Quant’ulia cu essu ‘nu cardillu,

cusine ulandu su ‘llu muru

scia cu mme mbiru intr’a dd’acqua

Pubblicità

addu le chiumarde li scoji nguccene;

quant’ulia essu ‘nu cardillu,

cu spattarisciu l’ali su ‘llu mare

secutandu l’arbe de ‘nu giurnu nou

addu spuntiddene rasci tinti d’amore;

quant’ulia essu ‘nu cardillu,

cu saju e cu stau de coste alla luna

scusciatatu, e de l’arcu de lu celu

spiava e ncarizzava li sonni toi;

quant’ulia essu ‘nu cardillu,

cu mme mbulutu intr’allu jentu,

cusine ulandu comu ‘na cumeta

te nducia pe rracalu lu cchiu beddu fiore.

Ma, poi, parcete ulia essu cardillu,

mare, luna, celu o jentu,

jeu su cuntentu,

parcete Teve sinti la frascidda

ca schiattariscia int’allu core.

 

Vastasi – Gallipoli

 

Pubblicità

Commenta la notizia!