“Natale è … Amore”, Giorgio Tricarico

1864

Giorgio Tricarico…palora la cchiù beddha, la cchiù ‘ntica
‘na cantilena ca face scumparire
tristezza, fazzità, otiu e rancore
e lla gente nu’ lla face cchiui suffrire.
Zunfunia ca ‘ntennara lu core,
stendi ‘na manu a cinca have basognu,
cerca puru teve, nu’ tte scundire,
jeu ppe’ tte nu’ ‘mboju me bargognu.
Ci quardi cchiù luntanu tuttu viti,
mille culuri ‘ncelu ddarlampare,
‘lluminate trovi l’ucerneddhe,
ca moscene la STEDDHA te ciarcare.
“AMARE” nu’ costa pròpiu nienti,
nun’è oru ca ccatti ccu lli sordi,
ete sentimentu mutu crande.
Parcè sulu a Natale te racordi?
Ci caminamu sozzi frate meu,
manu ppe’ manu, putimu scire ‘nnanti,
ma ci te scundi a ‘n’angulu, superbu,
te trovi ccu lli mani toi vacanti.
Jeni ccu me, jeni frate meu,
te portu addhu tuttu ete spiandòre
addhu la gente capisce veramente
ca lu Natale è sulamente “Amore”.

Giorgio Tricarico – Gallipoli