“Ccu mme te portu”, Giorgio Tricarico

4684
Giorgio Tricarico
Giorgio Tricarico – secondo classificato

 

 

 

Pubblicità

 

 

 

 

 

 

 

 

Ccu mme te portu
manu cu mmanu
susu le jole, susu li giacinti
e sulle tuberose
caminandu…
ccu mme te portu
addu lu sole rite,
addu la luna rufiana
te ‘ncarizza
e poi comu piccinnieddi
intra la naca
nde ‘nnazzaca lu jentu
malizziusu…
ccu mme te portu
addu la ‘mbidia
se scazzaca contru
parcè te fronte tene
‘na cosa tantu crande,
nui…
ccu mme te portu
addu lu tiempu se ferma
addu jeu ulu, ulu, ulu
comu ula ‘na cumeta
susu a ’na nuveja.
Ah, ci putìa nascire
mille fiate
ccu me racordu sempre
te ddu tiempu.
Sinti comu lu fischiu
te lu jentu,
sinti comu l’acqua
quandu chiove
comu lu focu schiattaddusu
quandu arde.
Si, oju nascu ‘ntorna, mille fiate
ccu tte stau te coste, sempre,
ogne minutu.
Chianu, chianu
t’ággiu canusciuta,
chianu chianu
t’ággiu ulutu bene,
chianu chianu
m’ággiu‘nnamuratu.

Giorgio Tricarico – Gallipoli

Pubblicità