“Amore meu comu te chiami”, Damiano Cosimo Semeraro

1744

Aggiu pansatu e strapansatu prima cu scriu ste parole;
alla fine l’aggiu truvate intra ll’angulu cchiu viu te lu core.
Nun’è facile cu dici ci gghiete l’amore;
comu sia ca nu cristianu te zzacca ppe piettu
e chiunu chianu te fiacca nu curtieddru a mmienzu ‘llu core:
ete quistu.
Ddhru curtieddhru ‘nvece nu te face male,
anzi, te mpara cu sacci amare.
Nc’è cinca l’amore lu chiama mamma,
nc’è cinca l’amore lu chiama cumpare,
nc’è cinca l’amore lu chiama zzita o mujere,
nc’è cinca l’amore lu chiama Ddiu.
Nc’è puru cinca però all’amore nu dae nome;
ci nde dummandi: “Ppe te l’amore esiste?”,
te raspunde: “None!”.
Sta cosa me face triste.
Comu faci dici ca nu esiste l’amore
ci propriu iddhru t’ave ulutu criare!
Ci mammata t’ave fattu, nu t’ave fattu ppe amore?
Teve, propriu teve, ca ci su sta terra stai
te tire “crazie” all’amore nu t’hai scurdare mai.
Te nd’eri scurnare;
tici cusì parcè nu sai cci bbene’dire amare!
‘Na fiata sulla chiazza cchiai na cristiana ca me ddummandau:
“Comu se chiama l’amore tou?”.
Me ntisi lu core spaccare
E subitu, mentre intra ll’occhi la cuardava, ‘nde ozzi tire:
“Signò, li chiù belli numi tene:
“Ddiu u primu ete,
quiddhru ca quando lu mantuu o lu sentu mantuare
lu core me sentu scacazzare,
l’addhru ete ‘mamma’
ca comu lu tici te taja la facce te lacreme,
lacreme tuci ca sapene te amore.
Nde tene addhri trete:
unu ete “zzita”, l’addhru ete “cumpare”,
l’urtimu, Signò, ete u scrignu te lu meu core,
l’amore ca, cu quiddhru ppe mauma, è statu lu primu veru amore,
lu pansieri ca alla matina me ddisciata
e me corca alla sera.
Caddhripuli, iddhra, ca cu ddhru sole, alla matina,
me face battire lu core mustrandume lu baddhrizzi sou te ricina.
Comu nu fiju me vite criscire
E iddhra comu na mamma, la sera, me face ‘ndurmiscire.
Quandu lu tramontu la ncarizza ‘rripa ‘mmare
“Cci ssi beddhra, te amu!” suntu le parole ca me tira te lu core.
Sempre pronta ete quando nu fiju sou ole essa cunsijatu
E quante fiate li cori ave cunfurtatu.
Quisti, Signò, suntu li numi te l’amore meu,
l’amore cchiu bellu ca putìa tanire ieu.
Amore viu ca nu passa,
Amore ca te zzacca e nu te lassa!”.

Damiano Cosimo Semeraro – Gallipoli

Pubblicità