“Te amu” – Alessandro Tanasi

Puru st’annu rria San Valentinu,
speriamu cu lu festeggiamu ssattati
annanti a nu bicchere te vinu.
Su passati tanti anni te quandu simu nati,
ma ogni annu ca passa
simu sempre cchiu innamorati.
Stamu te paru cu tantu amore,
perché la vita tene cchiu valore.
Ogni giurnu nde vitimu,
nde cchiamu
nde mbrazzamu
e nu bisciu l’ora
cu me dici quandu nde spusamu.
Quandu stamu te paru, le canzoni
te quandu ndimu canusciuti canticchiamu,
e tutti quiddri ca nde canusciane
nde chiedane quandu nde spusamu.
L’unica cosa cu nde rispondu
ca a ncapu me vene,
ieu nde ticu ca ancora rimanimu fidanzati
ca tantu nde ulimu sempre cchiu bene.
Tra na chiaccherata e na serata ca organizzamu,
ieu te ticu a voce erta
ca ieu amore meu sempre cchiui te amu.

Commenta la notizia!