“‘Nu giurnu all’antrasatta”, Giorgio Tricarico

‘Nu giurnu all’antrasatta, te matìna,
sentu ‘nu tuzzu forte intr’allu core:
– C’ete ca staci vene pròpiu moi,
pròpiu a mme ca staci spettu acquai…
…E jeu ddummandu, ‘ncora: – C’ete ?

‘Na oce scurnusa e leggera
comu la cambace me raspunde:
-Famme ccu trasu. Oju stau ccu tte-
-None, timme prima ‘u nome tou-
-‘U nome meu? ‘U nome meu?
‘U nome meu… A……………
Ah, ‘mpena c’àggiu ‘ntisu quistu nome
comu caverna s’apre ‘u core meu
e comu passatu ci have l’arcu,
se ‘nferra la ‘nzarraja,
‘nzarraja,
rrumasta sempre chiusa,
nu’ s’have perta cchiui,
ppe’ ciujeddi,
mai.
Passati suntu l’anni,
nun è cangiatu nienti,
osci all’antrasatta
me sentu tuzzare ‘ntorna intr’allu core.

A mujerama, lu ticissette te marzu tomilaquattordici, ccu tantu, tantu, tantu amore.

Commenta la notizia!