“A mia moglie” – Alessio Russo

 

Cara mujere mia,
tuttu quiddu ca te pozzu rricalare osci ete sta poesia.
Ulia cu te ticu quantu sinti beddhra
comu lu primu giurnu, cu dda veste, ca parivi da steddrha.
Quante nd’imu vissute,quante nd’imu ttraversate
tra fore e le cambiali le sciurnate l’imu passate,
ma turnandu te la fatia straccu e struttu
quandu te guardava intra ll’occhi, me riscurdava te lu bruttu.
Tra patate e peparussi te chiantare
nu aggiu mai bbutu tiempu mutu te cuntare,
parduname, e ci è tardu cu tu ticu, sia:
si stata a cosa cchiu beddra te la vita mia!!
Ddru giurnu te la Lizza te mintisti ddra gonna
eri a cchiu bbeddra te li picciotti, parivi na Matonna.
Intra ll’occhi toi celesti me paria te natare,
ma mancu intra lle fotu l’aggiu vistu mai lu mare.
Sotta la guerra partivi e divantai partigianu,
te sunnava tutte le notti cu la vera alla manu.
Comu te prumisi te ddra brutta guerra te te turnai
e cu ddu picca te sordi ca tanine all’altare te purtai.
Aggiu fattu lu furese, lu scupachiazze e lu zzoccatore,
ma m’hai fattu sempre santire cchiu mportante te nu duttore.
Osci te quassù ieu te guardu e forse nu llu sai
quantu pacava cu stia n’addra ora cu bui addrai.
Porta pacienza cu li piccinni e cu li crandi,
puru ci addu paese, certe fiate, te vene cu li mandi.
Prou cu te lu ticu comu te lu mmeriti, in itagliano,
cu te lu scriu bonu, e cu no scerro, speriamo
Moglie mia, amore mio…ti amo!!

Commenta la notizia!